“Москва вилояти ҳудудида “Нурчилар” экстремистик ташкилотининг яширин бошланғич бўлагининг бошқарув маркази фаолиятига чек қўйилди. Қўлга киритилган маълумотларга кўра, ушбу ташкилот раҳбарияти Россияда кўп тармоқли тизимни йўлга қўйишга ҳаракат қилган. Шу мақсадда улар янги аъзоларни жалб қилган.  Унга аъзо бўлганларнинг аксарияти Москва шаҳридаги талабалардан иборат бўлган”, – дейилади РФ ички ишлар вазирлиги хабарида.

Талабалар  чет элда тайёргарликдан ўтиш мақсадида танлаб олинган. Россия Ички ишлар вазирлиги ва Федерал хавфсизлик хизмати вакилларининг қўшма тадбири давомида “Нурчилар” мафкураси тарғиб қилинган 250 та материал топилган.

Россия Тергов Қўмитасининг Москва бўлинмасининг маълум қилишича, ҳолат бўйича РФ Жиноят кодексининг 282.2 моддаси бўйича жиноят иши қўзғатилган.

Бундан аввал Тошкент вилоятида экстремистик фаолият билан шуғулланиб келган 27 киши қўлга олингани ҳамда Москвада “Хизб ут-таҳрир” аъзолари фаолиятига чек қўйилгани хабaр қилинганди.