Нарендра Модидан Шавкат Мирзиёевгача: ижтимоий тармоқларда фаол сиёсатчилар

 

Дунё етакчилари асосан, қандай тармоқлардан фойланади? Уларнинг "подписчик"лари қанча? Қизиқарли сиёсат саҳифасининг бу галги сонида интернетда ҳам фаол раҳбарлар ҳақида маълумот берамиз.

 

Kepios рақамли консалтинг фирмаси томонидан ўтказилган тадқиқотга кўра, қарийб 5 миллиард одам ёки дунё аҳолисининг 60,6 фоизи ижтимоий тармоқлардан фаол фойдаланувчи ҳисобланади.

 

Ўртача ижтимоий тармоқ фойдаланувчиси еттита платформага уланган, улардан энг оммабоплари — WhatsApp, Instagram, Х, Facebook ва Telegram. Ҳатто, бу тармоқлар дунё етакчиларини ҳам, аллақачон, ўз “қармоғига илинтириб” улгурган. Қизиқарли сиёсат саҳифасининг бу галги сонида интернетда фаол бўлган сиёсатчилар ҳақида маълумот берамиз.

 

 

 

Kepios ўтказган тадқиқотга кўра, тармоқларда энг кўп кузатилган сиёсатчилардан бир — Ҳиндистон Бош вазири Нарендра Моди. Унинг Х (собиқ Twitter)да 91,6 миллион обуначиси бор: World of Statistics маълумотларига кўра, Модининг интернетдаги саҳифалари энг кўп кузатувчига эга аккаунтлар орасида 8-ўринда туради. Моди Instagram’да ҳам жуда фаол. Уни 78,6 миллион одам кузатади.  Facebook’да эса 48 миллион обуначиси бор.

 

 

 

АҚШ президенти Жо Байден кекса бўлишига қарамай, уни Facebook, Х ва Instagram’да бир эмас иккитадан аккаунти бор. Америка етакчисининг Facebook саҳифаларини 11 миллион, Х’ини 33,2 (37,4) миллион киши кузатади. Аммо Байден Instagram’да унча фаол эмас – 19,6 (17,4) миллион обуначига эга.

 

 

 

Индонезия президенти Жоко Видодо Instagram’да катта аудиторияга эга. Унинг 55,1 миллион обуначиси бор. Х’да уни  20 миллион, Facebook’да эса 10 миллион “подписчиги” бор.

 

 

 

Украина президенти Владимир Зеленский Instagram’даги энг катта аудиторияга эга обуначилардан. Уни айни пайтда 16,9 миллион мухлисга эга. Бундан ташқари, Украина етакчисини 7,3 миллион Х'да, 3,2 миллион Facebook фойдаланувчиси кузатиб бормоқда. Шунингдек, Зеленский Telegram'да ҳам жуда фаол. 

 

 

 

АҚШ собиқ президенти Дональд Трампни эса Х’да 87,3 миллион, Facebook'да 34 миллион, Instagram’да 23, 4 миллион одам кузатади.

 

 

 

Бразилия президенти Луис Игнасио Лулу да Силванинг Instagram’и ҳам унинг бошқа ижтимоий тармоқларига қараганда машҳурроқ – 13 миллион обуначига эга. Шунингдек, унинг Х'да 8,1 миллион, Facebook'да 5,6 миллион обуначиси бор.

 

 

 

Мексика президенти Андрес Мануэль айни вақтда Facebook'да 4,9 миллион, Х'да 10,1 миллион, Instagram’да 1,3 миллион одамнинг диққат марказида.

 

 

 

Франция президенти Эммануэл Макроннинг Х'да 9,4 миллион, Telegram'да 20,8 минг, Facebook'да 4,7 миллион, Instagram'да 3,2 миллион обуначиси бор.

 

 

 

Риши Сунакнинг Х'да 2,1 миллион ва Instagram'да 2,3 миллион обуначиси бор. Facebook'да эса уни атиги 0,5 миллион фойдаланувчиси бор холос.

 

 

 

Марказий Осиё давлатлари етакчилари ҳам замон билан ҳамнафас. Улар ҳам фаолиятини доимий равишда ижтимоий тармоқларга жойлаб боради. Одатда, уларнинг расмий саҳифаларини матбуот котиблари юритади. Жумладан, Ўзбекистон Республикаси Президенти Шавкат Мирзиёев ижтимоий тармоқлар энг кўп обуначига эга сиёсатчи ҳисобланади. Хусусан, Давлат раҳбари Telegram'да 172,6 минг, Facebook'да 386 минг, Instagram'да 4,7 миллион, Х'да эса 140,7 минг обуначига эга.