НАТО давлатлари Украинанинг альянсга қўшилиши учун аъзолик бўйича ҳаракатлар режаси (MAP) талабини бекор қилишга келишиб олдилар, деди НАТО бош котиби Йенс Столтенберг Вилнюсдаги саммитнинг биринчи куни якунида бўлиб ўтган матбуот анжуманида. Бу ҳақда «Новая газета Европа» хабар бермоқда.
Иттифоқчилар, шунингдек, Украина армиясини модернизация қилиш ва НАТО стандартларига тўлиқ ўтиш учун йилига 500 миллион долларлик бюджет билан Украинани кўп йиллик қўллаб-қувватлаш дастурига келишиб олдилар. Бундан ташқари, мамлакатлар НАТО-Украина кенгашини тузишга қарор қилишди, унинг биринчи йиғилиши 12 июль куни бўлиб ўтади.
Столтенбергнинг таъкидлашича, Украина барча иттифоқчилар келишиб, шартлар бажарилганда НАТОга таклиф олади. Шунингдек, у бугун Украина президенти Владимир Зеленский билан учрашишини маълум қилди.