Халқ банкининг айнан ушбу филиалида янги тайинланган бошқарувчи ҳам иш вақтидан ташқари вақтда меҳнатга жалб этилгани аниқланган
Ушбу ҳолатда Меҳнат кодексининг 124, 125 ва 157-моддалари талаблари бузилган. Шу сабабли, филиал бошқарувчиси маъмурий жавобгарликка тортилган.
Яъни, мансабдор шахс томонидан меҳнат ва меҳнатни муҳофаза қилиш тўғрисидаги қонунчиликни бузиш, базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади.
Энди ушбу бошқарувчи ҳудди шундай ҳуқуқбузарлик маъмурий жазо чораси қўлланилганидан кейин бир йил давомида такроран содир этса, базавий ҳисоблаш миқдорининг ўн бараваридан ўн беш бараваригача миқдорда жарима солишга сабаб бўлади.
Маълумот учун: Навоийда айнан шу банк ходимларининг автоҳалокати ходимларнинг иш вақтидан ташқари ишга жалб қилиниши натижасида юз бергани аниқланганди. Унда 8 киши вафот этгани ҳақида хабар берилганди.
Эслатиб ўтамиз, аввалроқ Фарғона вилояти Давлат солиқ бошқармаси инспектори ЙТҲда ҳалок бўлгани ҳамда айнан шу ҳудудда банк ходимаси хизмат вақтида вафот этгани ҳақида хабар берилганди.