“Нетаняхунинг қилаётган иши хато”
Байден Исроил Бош вазирини яна танқид қилди.
АҚШ президенти Жо Байден яна Исроилни Ғазо секторида ўт очишни тўхтатишга чақирди. У Исроил бош вазири Бинямин Нетаняхунинг ҳаракатларини танқид қилди.
У, шунингдек, Исроилнинг Ғазо секторида ёрдам кўрсатувчи ходимларининг ҳаётига зомин бўлган ҳаво ҳужумини қоралади.
“Нетаняхунинг қилаётган иши хато. Мен унинг ёндашувига қўшилмайман. Исроилликларни кейинги олти-саккиз ҳафта давомида сулҳ эълон қилишга ва мамлакатга келадиган барча озиқ-овқат ва дори-дармонларнинг тўлиқ киришини таъминлашга чақираман”, деган Байден Унивисион телеканалига берган интервьюсида.
