Нью-Йоркда фавқулодда ҳолат жорий қилинди
Бунга коронавируснинг кескин кўпайиши сабаб бўлди.
Нью-Йоркда СOVID-19 инфекцияси кўпайиб бораётгани сабабли 2022 йил 15 январгача фавқулодда ҳолат эълон қилди.
Хабарда айтилишича, коронавируснинг 2020 йил апрелидан бери штатда кузатилмаган даражада тарқалиши, шунингдек, COVID-19 билан боғлиқ касалхонага ётқизиш сонининг кучли ўсиши ва касалхона имкониятларини таъминлашга мувофиқлаштирилган ёндашув зарурлигини ҳисобга олган ҳолда, бутун Нью-Йорк штатида фавқулодда ҳолат эълон қилинган.
Фармонга кўра, соғлиқни сақлаш бошқармаси келаётган қиш мавсумида коронавирусга чалиниш ҳолатлари кўпайиши муносабати билан касалхоналарда етарли ўринларни таъминлаш мақсадида оғир бўлмаган ва шошилинч бўлмаган муолажалар билан таъминлашни чеклаши мумкин.
Фармон 3 декабрь, жума кунидан кучга киради. Бу, шунингдек, давлатга пандемияга қарши курашиш учун ҳар қандай муҳим материалларни тезроқ сотиб олишга имкон беради.
Аввалроқ, ЖССТ Жанубий Африкада қайд этилган вируснинг янги штаммига "Омикрон" ден ном бергани ҳамда Россия ушбу мутация сабаб 28 ноябрдан бошлаб бир қатор давлатлар билан чегараларни ёпгани ҳақида хабар берилганди.
