Очиқ бюджетга овоз беришда техник носозликлар кузатилмоқда
Овоз бериш жараёнлари 16 мартдан давом эттирилиши айтилди.
“Очиқ бюджет” портали ишида айрим техник носозликлар кузатилаётгани сабабли портал фаолиятида узилишлар бўлмоқда. Носозликларни тўлиқ бартараф этиш мақсадида овоз бериш жараёнлари вақтинча тўхтатилади ва 16 март соат 00:00 дан бошлаб давом эттирилади.
Айни вақтда мутахассислар томонидан камчиликларни бартараф этиш бўйича зарур чоралар кўрилмоқда.
Эслатиб ўтамиз, “Очиқ бюджет”нинг жорий йилги илк мавсумига 1 февралдан старт берилганди.
- Лойиҳалар киритиш: 1–20 февраль;
- Лойиҳаларни саралаш: 21 февраль–11 март;
- Овоз бериш: 12–31 март саналари давомида ўтказилиши кўзда тутилганди.
Ушбу мавсум учун туман ва шаҳар бюджетлари ҳисобидан 3 трлн. сўмдан ортиқ маблағ йўналтирилади.
