ОТМларга кириш имтиҳонларида минимал ўтиш бали ўзгаришсиз қолди
Бу бўйича қабул комиссиясининг баёни қабул қилинди.
2024/2025-ўқув йили учун олий таълим муассасаларига кириш имтиҳонларида минимал ўтиш бали ўзгаришсиз қолди. Бу ҳақида Олий таълим, фан ва инновациялар вазирлиги хабар берди.
Қайд этилишича, Ўзбекистон Республикаси таълим муассасаларига ўқишга қабул қилиш бўйича Давлат комиссиясининг тегишли баёни билан республика олий таълим муассасаларига давлат гранти бўйича минимал ўтиш бали – 68,0 балл (максимал 189 баллнинг 36 %), тўлов-контракт бўйича минимал ўтиш бали – 56,7 балл (максимал 189 баллнинг 30 %) этиб белгиланди.
