Ўзбекистон очлик ва камбағалликка қарши кураш бўйича глобал альянсга қўшилди
Бу бир қатор имкониятларни тақдим этади.
Ўзбекистон Ташқи ишлар вазирлиги мамлакат очлик ва камбағалликка қарши кураш бўйича глобал альянсга қўшилганини расман эълон қилди.
"Ўзбекистон Республикаси Очлик ва камбағалликка қарши кураш бўйича глобал альянсга расман қўшилди", — дейилади ТИВ сайтида эълон қилинган хабарда.
Бу Барқарор ривожланиш мақсадларига эришиш ва мамлакатда озиқ-овқат хавфсизлигини яхшилаш бўйича глобал саъй-ҳаракатларни кучайтириш йўлидаги муҳим қадамдир.
"Бу тарихий қадам глобал озиқ-овқат хавфсизлиги билан боғлиқ ортиб бораётган муаммолар ва Ўзбекистоннинг очлик, қашшоқлик ва тенгсизлик билан боғлиқ муаммоларни ҳал қилишда фаол иштирок этиш истагига жавобан амалга оширилди", - дейилади маълумотда.
Глобал альянсга аъзо бўлиш Ўзбекистонга тажриба алмашиш, халқаро инвестисияларни жалб этиш ҳамда ушбу долзарб масалаларни ҳал этиш бўйича бошқа давлатлар ва ташкилотлар билан қўшма дастурларни амалга ошириш учун ноёб имкониятлар яратади. Бугунги кунга қадар ҳужжатларга 100 дан ортиқ давлат қўшилди.
