Ўзбекистонда барча 4 ва 5 қаватли уйларга лифт ўрнатилади
Халқаро тажриба асосида амалга ошириладиган махсус дастур ишлаб чиқилмоқда.
Қурилиш ва уй-жой коммунал хўжалиги вазирлиги 4 ва 5 қаватли биноларга лифт ўрнатиш бўйича махсус дастур устида ишламоқда. Бу ҳақда вазирлик матбуот хизмати хабар берди.
Маълумотга кўра, ушбу ташаббус халқаро тажрибага асосланади. Кўплаб давлатларда 4–5 қаватли уйларда лифт ўрнатиш кенг тарқалган амалиёт ҳисобланади.
Мазкур лойиҳа аҳолининг қулайлиги, айниқса, ёши катта ва ногиронлиги бор фуқароларнинг эркин ҳаракатланишини таъминлаш мақсадида амалга оширилмоқда.
Дастур тафсилотлари ва амалга ошириш муддатлари бўйича қўшимча маълумотлар кейинчалик эълон қилинади.
