Ўзбекистонда йил бошидан бери 44 киши ёнғин қурбони бўлди
Жароҳатланганлар сони салкам 100 киши.
Ўзбекистонда 2024 йил бошидан ҳозирги кунга қадар 8 мингга яқин ёнғин ҳодисалари содир бўлди. Бу ҳақида АОКАда ўтказилган матбуот анжуманида ФВВ ахборот хизмати бошлиғи ўринбосари Самандар Ҳикматуллаев маълумот берди.
Қайд этилишича, мазкур ёнғин ҳодисалари натижасида 91 нафар фуқаро жароҳат олган. Ҳалок бўлганларнинг сони эса 44 нафарни ташкил қилган.
Маълумотга кўра, 2022 йилда республикада 10 260 та ёнғин юзага келган. Натижада 170 нафар фуқаро жароҳатланган, 98 нафар фуқаро вафот этган. 2023 йилда эса ёнғин ҳодисалари 10 204 тани ташкил қилган. Жароҳатланганлар 172 нафарни, вафот этганлар эса 79 нафарни ташкил қилган.
