Ўзбекистоннинг 2 та вилоятида ер қимирлади
Зилзила кучи 5 та туманда сезилган.
Бугун, 6 ноябрь куни маҳаллий вақт билан соат 08:56 да Ўзбекистон ҳудудида 4 балли ер силкиниши кузатилди. Бу ҳақда Фавқулодда вазиятлар вазирлиги Сейсмопрогностик мониторинг маркази хабар қилмоқда.
Зилзила координаталари: 40,74 градус шимолий кенглик; 63,63 градус шарқий узунлик. Эпицентр: Бухоро вилояти, Пешкў тумани. Чуқурлик 15 километрга етган. Зилзила эпицентри Тошкентдан 472 км жанубий-ғарбда жойлашган.
Ўзбекистон Республикаси ҳудудиа сезилиш кучи:
—Пешкў туманида 4 балл, 26 км.
—Шофиркон туманида 2-3 балл, 66 км.
—Конимех туманида 2 балл, 90 км.
—Жондор туманида 2 балл, 91 км.
—Ромитан туманида 2 балл, 95 км.
