Ўзбекистоннинг Туркиядаги элчихонаси ҳузурида ташкил этилган 43-сайлов участкасида овоз бериш жараёни давом этмоқда
Туркияда вақтинча бўлиб турган ва истиқомат қилаётган Ўзбекистон фуқаролари сайлов жараёнида фаол иштирок этиб, ўзларининг танловларини амалга оширмоқда.
Бугун юртимизнинг Туркиядаги элчихонаси ҳузурида ташкил этилган 43-сайлов участкасида Ўзбекистон Президенти сайловида овоз бериш жараёни кўтаринки руҳда ўтмоқда.
"Дунё" ахборот агентлиги хабарига кўра, сайлов участкасида сайлов жараёнлари маҳаллий вақт билан соат 8:00 да давлат мадҳияси садолари остида очилди.
Қайд этилишича, овоз бериш жараёни Ўзбекистон Конституцияси, янги қабул қилинган Сайлов кодекси, миллий сайлов қонунчилигига киритилган ўзгартишлар ҳамда қабул қилинган талабларга риоя этилган ҳолда ўтказилмоқда.
"Ўзбекистоннинг Анқарадаги элчихонаси ҳузуридаги тузилган сайлов участкасида овоз бериш учун барча шароит яратилганлигига яна бир бор гувоҳ бўлдим. Президентликка номзодлар тўғрисидаги маълумотлар ва уларнинг сайловолди дастурлари билан танишиб, фуқаролик бурчимни адо этган ҳолда муносиб номзодга овоз бердим", — дейди Туркияда меҳнат фаолиятини олиб бораётган ватандошимиз Зумрад Останқулова.
Маълумот учун: Туркияда вақтинча бўлиб турган ва истиқомат қилаётган Ўзбекистон фуқаролари сайлов жараёнида фаол иштирок этиб, ўзларининг танловларини амалга оширмоқда.
Эслатиб ўтамиз, ЕХҲТ парламентлар ассамблеяси кузатувчилари Ўзбекистон Президенти сайловига юқори баҳо берганди. Шу билан бирга, кузатувчилардан бири афғонистонлик Нури Ҳусайн Али, Тожикистонлик кузатувчи ҳамда Покистон мамлакати кузатувчиси Tezeen Akhtar Ўзбекистон Президенти сайлови борасидаги фикрлари билан бўлишганди.
Бундан аввал Марказий сайлов комиссияси соат 11:00 га қадар овоз берган сайловчилар кўрсаткичини эълон қилгани, сайлови жараёнларини ёритиш учун қандай ҳужжат талаб қилиниши, сайловчиларнинг умумий сони 21,2 миллион нафардан ошгани, Ўзбекистон Республикаси Президенти сайловида сайловчилар учун эслатма ҳамда Президент сайловини ўтказиш бўйича 10 мингдан ортиқ сайлов участкаси тузилгани ҳақида хабар берилганди.
