ЕХҲТ парламентлар ассамблеяси кузатувчилари Ўзбекистон Президенти сайловига баҳо берди. Бу ҳақда "Регнум" хабар қилди.
ЕХҲТ парламентлар ассамблеяси кузатувчилар миссияси раҳбари Даниэла де Риддернинг маълум қилишича, сайловлар шаффоф ўтмоқда.
“Бизга жараёнлар жуда ёқяпти. Икки кундан бери Ўзбекистондамиз. Ҳаммаси шаффоф ўтмоқда, барча партиялардан кузатувчилар бор. Ўзгаришлар кўриняпти”, – деган у.
Қўшимча қилинишича, миссия таркибида 99 киши Ўзбекистонга келган, улар 42 гуруҳга бўлинган. Уларнинг ҳар бири бугун Бухоро, Самарқанд ва Тошкентда ўнтадан сайлов участкасидаги жараёнларни кузатади.
Маълумот ўрнида: Президент сайловида жами аккредитациядан ўтган халқаро кузатувчилар сони 969 тани ташкил этади. Булардан 629 та халқаро ташкилотлардан, 340 таси хорижий давлатлардан.
Аввалроқ Танзила Норбоева Президентлик сайловида овоз бергани хабар қилинганди.
Жаҳонгир Қўзиев