Коронавирус пандемияси даврида болалар ва ўсмирлар орасидаги руҳий касалликлар даражаси дунё миқёсида икки бараварга ошди. “JAMA Pediatrics” тиббиёт журналида чоп этилган тадқиқот натижаси шуни кўрсатмоқда.
Таҳлил натижаларига кўра, дунёдаги ҳар тўртинчи ёшда депрессиянинг юқори аломатларини учратиш мумкин.
"Пандемиянинг биринчи йилида олинган умумлаштирилган кўрсаткичлар шуни кўрсатадики, ҳар тўртинчи болада депрессиянинн клиник юқори аломатлари, ҳар бешинчи болада эса ваҳиманинг клиник юқори аломатлари учрайди. Бу умумий баҳолар пандемиядан олдинги кўрсаткичлар икки баробарга ўсганини кўрсатмоқда", - дейилади мақолада.
Тадқиқот натижасига кўра, ўртача 25,2 фоиз ёшлар депрессия, 20,5 фоиз ёшлар эса “COVID-19” даврида ваҳимага тушган. Пандемиягача бу кўрсаткичлар 12,9 ва 11,6 фоиз кўринишида бўлган. Қайд этилишича, меъёрдан юқори кўрсаткичлар, асосан, қизлар орасида кузатилган.
Шарофат Маҳмудова