Парижнинг Лувр музейида сақланаётган Леонардо да Винчининг машҳур “Мона Лиза” асари бошқа хонага кўчирилади. Бу ҳақида Франция президенти Эммануэл Макрон музейда сўзлаган нутқида маълум қилди.
Президентнинг таъкидлашича, расм музейнинг асосий қисмларидан алоҳида жойлашган махсус жойга кўчирилади. Янги хона мустақил кириш чиптаси ва ташриф буюрувчилар учун қулайроқ шароитлар билан таъминланади.
Бу қарор “Мона Лиза”нинг ўзига хос мақомига мос келиши ва унинг томоша қилинишини янада қулайлаштириш учун қабул қилинган.
Шунингдек, Макрон Луврнинг реконструкция ва кенгайтирилишини эълон қилди. У янги тантанали кириш эшиги барпо этилишини, бу эса музей ташриф буюрувчиларининг оқимини мувозанатлаштириш ҳамда парижликларга қулайлик яратишини айтди.
Комила Одилова тайёрлади