Қаршида қарзини қайтармаган йигит “самосуд” қилинди
Вилоят ИИБ ҳолатга муносабат билдирди.
Ижтимоий тармоқда Қашқадарё вилоятининг Қарши шаҳрида Нехиа-2 русумли автомашинада бир гуруҳ шахслар бир нафар фуқарони “самосуд” қилгани тасвирланган видео тарқалди. Бунга вилоят Ички ишлар бошқармаси муносабат билдирди.
Қайд этилишича, ҳолат юзасидан Қарши шаҳар ички ишлар органлари ходимлари томонидан суриштирув ҳаракатлари олиб борилган. Аниқланишича, шаҳарнинг “Темирйўлчи” маҳалласида яшовчи фуқаро С. таниши A.дaн қарз олиб, пулини қайтармасдан келган. Оқибатда қарз берган фуқаро июнь ойи ўрталарида икки нафар таниши билан фуқаро С.ни қўрқитиб қўйиш мақсадида уни калтаклаган ва ҳолатни видеога олиб, ижтимоий тармоқларга тарқатган.
Ҳозирда ҳолат юзасидан тергов олди суриштирув ишлари олиб борилмоқда.
