Қатардаги Жаҳон чемпионати стадионига алкогол олиб кириш тақиқиланади
Араб давлати Мундиал туфайли ўз қоидаларини ўзгартирмайди.
Пиво ёки бошқа спиртли ичимликлар билан футбол томоша қилишни афзал кўрган мухлислар қийин танлов олдида қолди. Қатардаги жаҳон чемпионати ташкилотчилари стадионга алкогол олиб киришни тақиқлади.
Мамлакатда жамоат жойларида спиртли ичимликлар ичиш тақиқланган, спиртли ичимликларни фақат маълум меҳмонхоналар ва клубларда сотиб олиш мумкин. Шу сабабли 2022-йилги жаҳон чемпионатида ҳам спиртли ичимликлар билан футбол майдонига киритилмайди.
Бироқ Қатарда мухлисларга стадионлар яқинидаги алоҳида фан-зоналарда пиво сотиб олиш ва истеъмол қилишга рухсат берилди.
Таъкидлаш жоизки, ташкилотчилар катта молиявий йўқотишларга қарамай, тақиқни давом эттиришди. Жаҳон чемпионати пайтида спиртли ичимликлар сотиш энг катта даромад келтирувчи манба ҳисобланади.
Эслатиб ўтамиз, Қатарда бўлиб ўтадиган ЖЧ-2022 21 ноябрдан 18 декабрга қадар бўлиб ўтади.
