Буюк Британия бош вазири Риши Сунак яна қоидабузарлик қилди. Британия ҳукумати раҳбари Гайд-паркда оиласи ва ити билан сайр қилган. Аслида яхши пиар бўлишини режалаштирган бу ҳаракат танқидларга сабаб бўлди. Гап шундаки, сайр чоғида Сунакларнинг Нова лақабли лабрадори тақиқловчи белгиларга қарамай жиловчиз бўлган.
Сиёсатчининг бефарқ ҳаракати акс этган видеолар ижтимоий тармоқда муҳокамага сабаб бўлди.
Лондон полицияси видеога асосланиб хабар қилишича, воқеа жойида бўлган офицер Акшат Муртига ҳолатни айтиб, қоидаларни тушунтирган. Даунинг-стрит ҳолатга изоҳ беришдан бош тортган.
Бир неча ой олдин Сунак машинада хавфсизлик камарини тақмагани учун танқидга учраган эди.