Қува туманида хонадондан 31 миллион сўм пулларни ўғирлаган шахс ушланди
“Қинғир ишнинг қийиғи қирқ йилдан кейин ҳам чиқади”, деб бежиз айтишмайди. Бугунги шиддаткор замонда эса унинг ошкор этилишига йиллар керак эмас.
Қува туманида 2020 йилнинг 9 октябрь куни К.Ш. ИИБга мурожаат қилиб, 2020 йилнинг 22 сентябрь кунидан 3 октябрь кунига қадар бўлган вақт оралиғида номаълум шахс "Гўзал" МФЙ, Тинчлик кўчасида жойлашган янги қурилган кўп қаватли уйига калит танлаш орқали ғайриқонуний равишда кириб, хонадон ётоқхонасида бўлган 31 миллион сўм пулларини яширин равишда ўғирлаб кетганини билдирган.
Мазкур ҳолат юзасидан Қува тумани ҳузуридаги тергов бўлими томонидан Жиноят кодексининг 169-моддаси 2-қисми “в,г” бандлари (ўғирлик) билан жиноят иши қўзғатилган.
Олиб борилган тезкор қидирув ҳаракатлари давомида ушбу жиноятни Ю.К. содир этганлиги аниқланиб, процессуал тартибда ушланган.
Маълумот ўрнида: Жиноят кодексининг 169-моддаси 2-қисмида кўрсатилган жиноятни содир этган шахс беш йилгача озодликдан маҳрум қилиш билан жазоланади.
Эслатиб ўтамиз, аввалроқ мактаб ўқувчиси хонадонга ўғирликка тушгни ҳақида хабар берилганди.
Баҳринисо Мадумарова тайёрлади.
