Роналду жазодан қочиб Эронга бормади
Унга 99 дарра жазо берилиши мумкин эди.
Саудия Арабистонининг “Al-Nassr” клуби ҳужумчиси Криштиану Роналду Осиё Чемпионлар Лигаси 1/8 финал босқичи доирасида Эроннинг “Esteghlal” жамоасига қарши сафар ўйинида қатнашмади.
2023 йилда Роналду Эронда ногирон рассом билан учрашиб, уни қучоқлаб ўпган эди. Эрон қонунларига кўра, бундай ҳаракатлар учун 99 дарра жазоси берилиши мумкин. Шу сабабли футболчи мамлакатга боришдан бош тортгани тахмин қилинмоқда.
Учрашув 0:0 ҳисобида якунланди. Жавоб ўйини 10 март куни ўтказилади.
