Россия ва беларуслик спортчиларга Осиё ўйинларида қатнашишга рухсат берилди
Бироқ спортчилар мусобақада ғолиб бўлса, медаль билан тақдирланмайди
Россия ва Беларусдан 500 га яқин спортчига 2023 йилги Осиё ўйинларида нейтрал мақомда қатнашиш учун рухсат берилди.
Insidethegames хабарига кўра, бу спортчилар медаллар жадвалида иштирок эта олмайди. Яъни мусобақаларда ғолиб бўлган тақдирда ҳам медалларни қўлга кирита олмайди. Фақатгина спортчилар 2024 йилда Парижда бўлиб ўтадиган Олимпиада ўйинларига йўлланма берадиган рейтинг очколарини ишлаб олишлари мумкин.
Бироқ, россияликлар ва беларусларнинг Париж Олимпиадасида иштирок этиши ҳақидаги якуний қарорни дастурга киритилган 31 спорт тури бўйича бошқарув органлари қабул қилиши керак бўлади.
Маълумот учун, Осиё ўйинлари жорий йилнинг 23 сентябрдан 8 октябрга қадар Хитойда бўлиб ўтади.
