Россияда WhatsApp тақиқланиши мумкин
Роскомнадзор компанияга шарт қўйди.
Россияда WhatsApp тақиқланиши мумкин, дея хабар бермоқда «Спутник» нашри.
Маълумотларга кўра, Роскомнадзор WhatsAppʼдан тақиқланган ахборотни тарқатаётган каналларни ўчириб ташлашни талаб қилади. Агар бундан бош тортса, бу илова Россияда тақиқланишига сабаб бўлади.
Таъкидланишича, Россия қонунчилиги талаблари барча компанияларга, жумладан, мессенжер ва ижтимоий тармоқларга тааллуқли.
“Тақиқланган ахборотли нодўст каналлар пайдо бўлса, уларни зудлик билан ўчириш талаб қилинади, бош тортилса, блокировка қилишини мумкин”, - дейилган хабарда.
WhatsApp мессенжери Россияда экстремистик сифатида тақиқланган Meta компаниясига тегишли. Куни кеча мессенжер канал яратиш ва унда хабар жойлаш имкониятини тақдим этди. Бундан тез орада барча фойдаланувчилар фойдаланиши мумкин бўлади.
