Россиялик фойдаланувчилар Microsoft веб-сайтининг Windows 10 ва 11 операцион тизимларини юклашда муаммоларга дуч келмоқда. Бу ҳақда “Коммерсант” нашри хабар берди.
Қайд этилишича, фақатгина VPN хизматидан фойдаланганда бундай муаммолар юзага келмайди. Шу билан бирга, Microsoft веб-сайтида Россия ҳудудида фойдаланувчилар учун киришни чеклаш ҳақида ҳеч қандай маълумот эълон қилинмаган.
Эслатиб ўтамиз, 4 март куни Microsoft корпорацияси Россияда янги маҳсулот ва хизматлар савдоси тўхтатилганини эълон қилганди. Аммо амалдагиларини тақиқлаш тўғрисида ҳеч қандай маълумот берилмаган.