Урушнинг тўққизинчи кунида Украина ҳарбий самолёт ва вертолётларининг катта қисмини сақлаб қолди. Бу ҳақда АҚШ мудофаа вазирлиги амалдорига таяниб “Reuters” агентлиги хабар берди.
“Украина ҳозирга қадар ўз ҳаво кучларининг катта қисмини: самолёт, вертолёт ва учувчисиз қурилмаларини, шунингдек, зенит тизимларини сақлаб қолди”, – деган номи сир қолишини истаган амалдор.
Шу билан бирга бу техникаларнинг аниқ сони келтирилмаган. Агент бу тизимларнинг сақлаб қолиниши кўпчилик экспертлари ҳайрон қолдирганини қайд этган.
Пентагон маълумотларига кўра, Россия сўнгги тўққиз кунда Украина, жумладан, аэродром, радар ва зенит-ракета тизимларига қарата 500 дан ортиқ ракета ташлаган. Унинг самолёт ва вертолётлар сони бўйича устунлиги ҳам сақланиб қолган. Аммо шунга қарамай, украин осмонида тўлиқ рус ҳаво кучлари тўлиқ ҳукмронлик қилмаяпти.
“Украина ракетаари ҳали ҳам Россия самолётларига таҳдид туғдира олади. Унинг самолётлари сафда қолиши эса – мамлакатнинг қатъийлиги белгиси ва аҳоли ҳамда ҳарбийлари учун маънавий импульс беради”,– дейилади хабарда.
Маълумот ўрнида: 24 февраль куни Россия Украина шарқида махсус операция бошлаганини эълон қилди. Шу кунгача Бердянск, Херсон каби йирик шаҳарлар эгалланди. Одесса ва Мариуполь ҳозирда қуршаб олинган. Киев ва Харьков остоналарида қонли жанглар давом этмоқда. Уруш ортидан Москвага қарши Ғарб янги санкциялар жорий этди. Евроиттифоқ ва АҚШ Россия самолётлари учун осмонини ёпди.
Эслатиб ўтамиз, аввалроқ АҚШ давлат котиби ўринбосари Москвага қарши санкцидар бекор қилиниши шартини айтганди.