Қирғизистон Президенти Садир Жапаровнинг фармони билан Қамчибек Ташиев Қирғизистон Вазирлар Маҳкамаси раиси ўринбосари ҳамда Миллий хавфсизлик давлат қўмитаси раиси лавозимидан озод қилинди.
Миллий хавфсизлик давлат қўмитаси раиси вазифасини вақтинча бажариш Жумгалбек Шабданбеков зиммасига юклатилди.
Шунингдек, Жумгалбек Шабданбековнинг номзоди Қирғизистон Республикаси Жўқорғи Кенгешига Миллий хавфсизлик давлат қўмитаси раиси лавозимига тасдиқлаш учун тақдим этилди.
Камчибек Ташиев 2020 йил 16 октябрда Қирғизистон Миллий хавфсизлик давлат қўмитаси раиси этиб тайинланган. Фармон ўша пайтда президент вазифасини бажарувчи Садир Жапаров томонидан имзоланган.