Самарқандда Nexia-3 аварияга учраб, ағдарилиб кетди
Ҳодисага ҳайдовчи рулда ухлаб қолгани сабаб бўлган.
Самарқанд вилоятининг Нуробод туманида Nexia-3 машинаси ЙТҲга учради.
Маълум қилинишича, 20 июль куни соат 06:00 атрофида Ингичка-Каттақўрғон йўналишида кетаётган Nexia-3 ҳайдовчиси рулда ухлаб қолган ва бошқарувни йўқотган. Натижада машина йўлнинг ўнг томон четига чиқиб кетиб, бир неча марта ағдарилган.
Ҳайдовчи ва олд ўриндиқда бўлган шахс шифохонага ётқизилган. Бироқ кўрсатилган муолажаларга қарамасдан йўловчи шифохонада вафот этган.
Ҳодиса юзасидан терговга қадар текширув ишлари олиб борилмоқда.
