Самарқандлик йигит ўз отасини пичоқлаб ўлдирди
Маълум қилинишича, гумонланувчи фуқаро руҳий носоғлом бўлган.
Самарқанд вилояти Пастдарғом туманида ўз отасини ўлдирган йигит ушланди. Бу ҳақда “Марказий студия” информацион дастурида хабар берилди.
Маълум қилинишича, гумонланувчи фуқаро руҳий соғлом бўлмаган, вақти-вақти билан даволаниб юрган. Отаси эса унга руҳий касаллиги сабаб шифохонада даволаниши кераклигини айтган ва шифокор олиб келган. Шу сабаб ўртада тортишув юзага келган.
Ўғил “мени жиннихонага ётқизмоқчисиз” деб, ошхона пичоғи билан отасига ташланган ва унга 15 марта пичоқ тиқиб, ўлдирган.
Ҳолат юзасидан Жиноят кодексининг 97-моддаси (қасддан одам ўлдириш) 2-қисми билан жиноят иши қўзғатилган.
