Қурилиш ва уй-жой коммунал хўжалиги вазирлигининг маълум қилишича, энди Шаҳарсозлик Кенгаши томонидан берилган ва амалдаги нормаларга зид равишда тасдиқланган кенгаш хулосалари Вазирлар Маҳкамасининг 496-сонли қарорига асосан бекор қилинади. Бу қурилишда келиб чиқадиган турли низолар судга қадар ҳал этилади, дегани.
Эслатиб ўтамиз, жорий йилнинг 23 сентябрь куни Президент Шавкат Мирзиёев раислигида қурилиш индустрияси ва қурилиш материалларини ишлаб чиқаришни янада ривожлантириш чора-тадбирлари юзасидан ўтказилган видеоселектор йиғилишида ҳар бир вилоятда ташкил қилинган Шаҳарсозлик кенгашлари фаолияти бўйича ҳам эътирозлар кўплигини айтганди.
Шунингдек, ноқонуний қурилишлар бўйича маҳалла раислари ва жамоатчилик назорати кучайтирилиши алоҳида таъкидланган эди.