Шаҳрисабзда Damas мактаб ўқувчисини уриб юборди
Оқибатда бола шифохонада вафот этган.
Қашқадарё вилоятининг Шаҳрисабз шаҳрида Damas ҳайдовчиси мактаб ўқувчисини уриб юборди. Ҳолат юзасидан вилоят ИИБ ЙҲХБ маълумот берди.
Воқеа 19 апрель куни соат 12:45 ларда “Шаҳрисабз-Мираки” автомобиль йўлида содир бўлган. Ҳайдовчи К.М. бошқарувида бўлган Damas русумли транспорт воситаси билан Мираки йўналиши томон ҳаракатланиб бориб, пиёдалар ўтиш йўлагидан кесиб ўтаётган пиёда О.И.ни уриб юборган.
Натижада пиёда олган тан жароҳатлари билан шифохонага ётқизилган, О.И. кўрсатилган тиббий ёрдамларга қарамасдан шифохонада вафот этган.
Мазкур ҳолат юзасидан Шаҳрисабз шаҳар ИИБ ТБ томонидан Ўзбекистон Республикаси Жиноят кодексининг 266-моддаси 2-қисми билан жиноят иши қўзғатилган. Ҳайдовчи К.М. процессуал тартибда ушланган.
