Шавкат Мирзиёев Франция ассамблеясига ташриф буюрди
Давлатимиз раҳбари Францияга расмий ташрифининг иккинчи куни бошланди.
Айни дақиқаларда давлат раҳбари Франция Миллий йиғини раиси Яэль Браун-Пиве билан учрашув ўтказмоқда.
Шавкат Мирзиёев Франция Миллий ассамблеяси президенти Яэль Браун-Пиве хоним билан парламентлараро алоқаларни кенгайтириш, ижтимоий-сиёсий ҳаётни янада демократлаштириш бўйича ислоҳотларни амалга ошириш юзасидан фикр алмашмоқда.
Қайд этиш керакки, парламентлараро ҳамкорлик Ўзбекистон-Франция муносабатларининг муҳим бўлаги ҳисобланади. Ўзбекистон Олий Мажлиси Сенати ва Қонунчилик палатасида Франция Сенати ва Миллий ассамблеяси билан дўстлик гуруҳлари тузилган.
Ўзбекистон Президенти кеча Франция тараққиёт агентлиги раҳбарияти ҳамда ишбилармон доира вакиллари билан учрашув ўтказган эди.
