Шимолий Корея Сариқ денгиз томон қанотли ракеталарни учирди. Бу ҳақда Ёнҳап ахборот агентлиги хабар берди.
Айни пайтда снарядлар тушган жой ҳақида маълумот йўқ.
Бу АҚШнинг ядро қуролига эга сувости кемасининг Жанубий Кореяга келиши ҳамда иттифоқчиларнинг ядровий маслаҳат гуруҳининг биринчи йиғилишига Пхеняннинг яна бир яққол жавобидир. 3 кун аввал ҳам Шимолий Корея Япон денгизига иккита қисқа масофали баллистик ракета учирган эди.
Пхеняннинг кетма-кет ракета учиришлари эса Жанубий Корея ва АҚШнинг норозилигига сабаб бўлмоқда.