Шимолий Корея яна ракета учирди
Хабарларда айтилишича, ракеталар етиб борган жой маълум эмас.
КХДР чоршанбага ўтар кечаси Япон денгизи томонга иккита баллистик ракета учирди. Бу ҳақда Япония Қирғоқ хизмати маълум қилди. Хабарда айтилишича, ракеталар етиб борган жой маълум эмас.
Мамлакат жамоат телевидениеси Мудофаа вазирлигига таяниб, “ракеталар Япония иқтисодий ҳудудидан ташқарига тушган”ини айтган. Ҳукумат муайян ахборотни тўплаш ва таҳлил қилишни бошлаб юборди, дейилади хабарда.
Вазирлар Маҳкамаси Бош котиби Хироказу Масуно Шимолий Кореяга кескин норозилик билдирилганини маълум қилди. “Норозилик Пхенянга Пекиндаги элчихонамиз воситачилигида етказилди”, - деди у.
КХДР йил бошидан бери 20 марта ракета учиргани тахмин қилиняпти.
