Си Цзиньпин Хитой халқининг асосий вазифаси нима эканини очиқлади
Бу ҳақда партиянинг ХХ қурултойида гапирилган.
Модернизация Хитой халқининг буюк ва тўхтовсиз вазифаси ҳисобланади. Бу ҳақда Си Цзиньпин Хитой Коммунистик партиясининг ХХ қурултойидаги чиқишида маълум қилди.
“Хитойликларга хос бўлган модернизация — партия ва Хитой халқи томонидан амалга оширилган узоқ муддатли амалий ишлар ва тадқиқотлар натижасидир. Бу буюк ва мураккаб жараён”, – деган ХХР Раиси.
Шу билан бирга у Пекин социализм йўлидан оғишмай бориши зарурлигини қайд этган. Бу халқ манфаатларига тўлиқ жавоб бериши таъкидланган.
Ҳафта давомида бўлиб ўтган Хитой Коммунистик партиясининг ХХ қурултойи якунига кўра, Си Цзиньпин партиянинг Марказий қўмитаси Бош котиби лавозимига қайта сайланди.
Аввалроқ Шавкат Мирзиёев ХХР Раисига табрик телеграммасини юборгани тўғрисида хабар берилганди.
