Сўх туманида хум ичида тилла топилди
Ижтимоий тармоқларда Сўх туманидан хум ичида тилла топилгани ҳақида хабарлар тарқалди.
Маълум бўлишича, Сўх туманинг Сариканда қишлоғида жойлашган “Ҳазрати Али” зиёратгоҳидаги эски ҳовузда ҳашар ишлари олиб борилаётган пайтда ичида олтин тангалари бор хум топилган. Хумдаги тилла тангаларнинг умумий оғирлиги тахминан 1 килограмм атрофида.
Маҳаллий аҳолининг сўзларига кўра, 2017 йилда ҳам тумандан Сўғд давлатига мансуб тангалар топилган.
Эслатиб ўтамиз, аввалроқ Наманганда ноёб кўза топилгани ҳамда Тошкент вилояти Бўстонлиқ тумани “Амирсой” дам олиш ҳудудидан милоддан олдинги II аср — милодий VI асрлар)га оид сопол буюмлар топилгани ҳақида хабар берилганди.
Баҳринисо Мадумарова
