“Тавҳид ва жиҳод катибаси” террористик гуруҳи тарафдори қўлга олинди
Ушбу шахс жангарилар сафига қўшилиш мақсадида Сурияга кетмоқчи бўлган вақтида ушланган ва Ўзбекистонга олиб келинган.
У 1987 йил Сурхондарё вилоятида туғилган “Ж.Х.” 2016-2021 йилларда меҳнат мигранти сифатида Россия Федерациясининг Краснодар ўлкасида ишлаган даврида ижтимоий тармоқлар орқали Сурия давлати ҳудудидаги “Тавҳид ва жиҳод катибаси” террористик гуруҳи аъзолари билан мулоқотга киришган.
Уларнинг таъсирига тушиб қолади.
Натижада “Ж.Х.” экстремистик оқимлар ва террористик ташкилотлар ғоявий раҳнамоларининг “жиҳод”га чорловчи материалларини ўзининг яқин танишлари орасида тарғиб қила бошлайди.
Ҳозирда унга нисбатан қўзғатилган жиноят иши доирасида тергов ҳаракатлари олиб борилмоқда.
Эслатиб ўтамиз, аввалроқ Тошкент вилоятида экстремистик фаолият билан шуғулланиб келган 27 киши қўлга олингани ҳамда шу вилоятнинг Зангиота туманида экстремистик фаолият билан шуғулланиб келаётган яна бир гуруҳ ушлангани ҳақида хабар берилганди.
Чўлпоной Аҳмедова
