12 декабрь куни ТИМE журнали Доналд Трампни 2024 йил одами деб эълон қилди. 1927 йилдан бери ТIМE журнали "яхши ёки ёмон бўлишидан қатъи назар", сўнгги 12 ой ичида дунёга энг катта таъсир кўрсатган шахс, гуруҳ ёки концепцияни танлаб келмоқда. 2023 йилда бу унвонни хонанда Тейлор Свифт олган эди.
Трамп билан бир қаторда 2024 йилги номзодлар рўйхатида АҚШ вице-президенти Камала Ҳаррис, Уэлс маликаси Кейт Миддлтон, тадбиркор Илон Маск, россиялик мухолифатчи Алексей Навалнийнинг беваси Юлия Навалная, Исроил бош вазири Бинямин Нетаняҳу, АҚШ Федерал захира тизими раиси Жером Пауэлл, подкастер Жо Роган, Мексика президенти Клаудия Шейнбаум, Мета бош директори Марк Сукерберг ва бошқалар ҳам бор эди.
Доналд Трамп 2024 йилда Республикачилар партиясидан АҚШ президенти сайловида номзод бўлди ва катта устунлик билан ғалаба қозонди. Сайловолди компанияси даврида унга нисбатан суиқасд уюштирилди. У 2025 йил январь ойида президентлик даврининг иккинчи муддатига киришади.