"Толибон" ЕИдан аэропортлар масаласида ёрдам сўради
Евроиттифоқ ўз навбатида бошқа молиявий дастур таклиф қилган.
“Толибон” Европа Иттифоқидан аэропортлар фаолиятини давом эттиришда ёрдам сўради. Бу ҳақда “Sputnik Афганистан” хабар берди.
Унга кўра, толиблар ўз мажбуриятларини бажариш, хусусан, Афғонистонни тарк этиш истагида бўлган афғонлар ва чет элликларга тўсқинлик қилмасликка содиқлиги билан бирга юқоридаги илтимос билан чиққан.
Европа Иттифоқи молиявий ёрдам бермоқчи эмас. Унинг ўрнига "humanitarian +" дастури таклиф қилинмоқда. Ушбу дастурда бир қатор ижтимоий соҳалар молиялаштирилиши мумкин. Аммо бунинг учун “Толибон” қуйидаги мажбуриятларни бажариши керак:
- Хотин-қизларга мактабга боришга имкон бериш;
- Таълим дастурини халқаро стандартларга мослаштириш;
- Миллий озчилик ҳуқуқларини ҳимоя қилиш.
Аввалроқ "Афғон Мона Лиза"си Италиядан бошпана топгани хабар қилинганди.
Жаҳонгир Қўзиев
