Тошкент вилоятида “Бутунжаҳон саломатлик куни” нишонланди
Тадбирда йога ва дарахтларга меҳр кўрсатишга қаратилган машғулотлар ташкил этилди.
Тошкент вилоятидаги“Green Hills Resort” дам олиш масканида “Global Wellness Day” (“Бутунжаҳон саломатлик куни”)нинг 13 йиллик байрами бўлиб ўтди.
Бу йилги мавзу - #MagentaNature инсоният ва табиий дунё ўртасидаги чуқур боғлиқликка, маънавий ва жисмоний фаровонликка яхлит ёндашувни илгари суришга қаратилди.
Тадбирда йога ва, шунингдек, дарахтларга меҳр кўрсатишга қаратилган машғулотлар ташкил этилди. Иштирокчилар тоза ҳаво ва гўзал табиат қўйнида севимли машғулотларидан баҳраманд бўлиш имконига эга бўлдилар. Бундан ташқари, овқатланишни баҳолаш, Тибет идиши билан медитация, катталар ва болалар учун соғлом турмуш тарзи бўйича семинарлар, ўйинлар ва эко-викториналар ҳам ўтказилди.
Маълумот учун, июнь ойининг иккинчи шанбасида нишонланадиган “Global Wellness Day” аҳолининг соғлом ва мувозанатли турмуш тарзининг аҳамияти ҳақида хабардорлигини оширишга қаратилган.
