Тошкент вилоятида истеъмолчиларнинг сувдан қарзи 150 млрд сўмга яқинлашди
Вилоятда 2023 йилда 300 га яқин ноқонуний уланиш ҳолатлари аниқланган.
Бугунги кунда Тошкент вилояти бўйича жами истеъмолчилар сони 376 181 тани ташкил қилади, шундан аҳоли истеъмолчилари 365 898 та ҳамда юридик ташкилотлари 10 283 тадан иборат бўлиб, вилоятдаги истеъмолчиларнинг дебитор қарздорлиги бугунги кунда 147 миллиард 162 миллион сўмни ташкил этмоқда. Бу ҳақда «Ўзсувтаъминот» хабар берди.
Маълум қилинишича, бугунги кунда вилоятдаги истэъмолчиларнинг қарздорлиги 147 миллиад 162 миллион сўмни ташкил этаётган бўлса, шундан жисмоний истеъмолчиларнинг қарздорлиги 88 миллиард 889 миллион сўм, юридик ташкилотлар дебитор қарздорлиги 58 миллиард 273 миллион сўмни ташкил этади. Қарздорлик миқдори энг юқори бўлган ҳудудлар:
- Қибрай тумани: 14 миллиард 513 миллион сўм;
- Ангрен шаҳри: 10 миллиард 10 миллион сўм;
- Тошкент тумани: 8 миллиард 215 миллион сўм;
- Зангиота тумани: 7 миллиард 228 миллион сўм;
- Янгийўл тумани: 6 миллиард 748 миллион сўм;
- Бўстонлиқ тумани: 6 миллиард 454 миллион сўм;
Бундан ташқари, 2023 йилнинг шу давригача бўлган мудатда Тошкент вилоятида ичимлик ва оқова сув тизимларига жами 294 та ноқонуний уланиш ҳолатлари аниқланган.
