Тошкентда ниқоб таққан 2 киши бировнинг уйи олдидаги дарахтни кесиб кетди
Ҳозирда ҳуқуқбузарлар ушланган.
Ижтимоий тармоқда Мирзо Улуғбек туманида 2 нафар шахс бошқа бир фуқаронинг уйи олдидаги дарахтни яширин равишда кесиб кетишганлиги акс этган видео тарқалди. Ҳолат юзасидан Тошкент шаҳар ИИББ маълумот берди.
Аниқланишича, 14 июль куни соат 00:55 ларда Мирзо Улуғбек туманидаги кўчаларнинг бирида, 1950 йилда туғилган фуқаро М.З.нинг яшаш хонадони олдига 2 нафар ниқоб таққан номаълум шахс Lacetti автомашинасида келиб, уйи олдидаги дарахтни кесиб кетишган. Кўрилган тезкор тадбирлар натижасида ушбу ҳуқуқбузарликни 1989 йилда туғилган О.У. ва 1990 йилда туғилган Н.Ғ. содир этганлиги аниқланган.
Мазкур ҳолат юзасидан Мирзо Улуғбек тумани ИИО ФМБ томонидан терговга қадар текширув ўтказилмоқда.
