Тошкентга тўрт вагонли 2 та метро поезди олиб келинди
Келаси ойда яна 3 та метро поезди олиб келиниши режалаштирилган.
"Тошкент метрополитени"нинг хабар беришича, бугун, 8 апрел куни Тошкент шаҳрига тўрт вагонли 2 та янги замонавий метро поездлари олиб келинди.
Йўналишлардаги вақт интервалларини янада қисқартириш мақсадида, ушбу ҳаракат таркиблари белгилан йўриқномага асосан, 8-10 кун давомида техник синовдан ўтказилиб, сўнгра йўловчиларга хизмат қилиши учун йўналишларга чиқарилади.
2024 йил май ойида яна 3 та метро поезди олиб келиниши режалаштирилган. Бу режавий ишлар натижасида, метро вагон паркларини янгилаш ва белгиланган вақт интервалларини янада қисқартишга эришиш мақсад қилинган.
