Трамп президент бўлганда АҚШ НАТОни тарк этарди — Хиллари Клинтон
Шунингдек, у собиқ президентнинг 2024 йили сайловларда иштирок этиш имкониятини баҳолаган.
Агар Трамп қайта президентликка сайланганда, АҚШ НАТОни тарк этган бўларди. Бу ҳақда Хиллари Клинтон маълум қилди.
“Агар Трамп 2020 йилда ғалаба қозонганда, у НАТОдан чиқиб кетган бўларди. Бунга шубҳам йўқ”, – деган сиёсатчи.
Шунингдек, у альянснинг Шарққа кенгайиши сиёсатини энг мақбул йўл деб атаган.
“Мен НАТОнинг Шарққа кенгайишини тўғри эканлигига ишонганман. Бунга қарши фикрларни эса кучсиз деб биламан. Ҳозир биз бунинг қай даражада долзарб эканини кўряпмиз”, – деб қўшимча қилган Клинтон.
Бундан ташқари, унинг фикрича, агар Трампда имконият пайдо бўлса, у 2024 йилда ўз номзодини президентликка қўяди.
Аввалроқ Трамп президентлиги даврида Мексикага ракета зарбалари беришни кўриб чиққани маълум бўлганди.
