Трамп сўнгги икки йилда энг кўп Украинадаги урушни тугатишга ваъда берган
Унинг оммавий баёнотлари, матбуот анжуманлари ва интервьюлари таҳлил қилинди.
"Ахиос" нашри 2023 йил 1 январдан 2024 йил 6 декабргача бўлган даврда Трампнинг оммавий баёнотларини, жумладан матбуот анжуманлари ва интервьюларини таҳлил қилди.
Маълум бўлишича, АҚШнинг бўлажак раҳбари бу даврда 33 марта Украина — Россия можаросини ҳал қилишга ваъда берган. Шунингдек, яна 32 маротаба ноқонуний муҳожирлар учун АҚШ чегарасини ёпишни айтган.
26 марта эса вакцинация мажбурий бўлган ва АҚШда ирқчилик илдиз отганини ўргатувчи мактабларни молиялаштиришни чеклашга тайёрлигини билдирган баёнотлар берган. Яна 25 марта ноқонуний муҳожирларни мамлакатдан чиқариб юбориш бўйича "энг йирик операцияни бошлаш" ваъдасини берган.
Трамп томонидан энг кўп айтилган ваъдаларнинг бешинчи ўринида эса Қўшма Штатларда электромобилга мажбурий равишда ўтишни тўхтатиш жой олган.
