Трамп Зеленскийнинг таклифини рад этди
Зеленский уни Украинга келиб, вазият билан танишишга таклиф қилганди.
Америка Қўшма Штатларининг собиқ президенти Доналд Трамп Украина раҳбари Владимир Зеленскийнинг Украинага келиш таклифини қабул қилмаслигини айтди.
У бу ташрифни ҳозир номақбул эканлиги билан изоҳлади.
“Мен президент Зеленскийни жуда ҳурмат қиламан, аммо ҳозир Украинага бориш ноўрин”, — деди Трамп.
У АҚШнинг амалдаги президенти Жо Байден маъмурияти ҳозирда Зеленский билан “бизнес олиб бормоқда” ва шунинг учун у “манфаатлар тўқнашуви”ни юзага келтирмоқчи эмаслигини қўшимча қилди.
Аввалроқ Владимир Зеленский Доналд Трампга нима учун Владимир Путин билан муроса қилиш мумкин эмаслигини тушунтириш учун Украинага таклиф қилганди.
