Дональд Трампнинг ўғли отасининг қамоқхонада олингаy сурати туширилган маҳсулотларни сотишни бошлади.
«Аниқ айтиш керакки, менинг онлайн-дўконимда ушбу маҳсулотни сотишдан тушган барча даромадлар биз кўриб турган зулмга қарши курашиш учун ҳуқуқий ҳимоя фондига йўналтирилади. Кўпчиликдан фарқли ўлароқ, мен бундан нақд пул олишга ҳаракат қилмайман, мен ёрдам бериш учун қўлимдан келган барча ишни қиламан», — деб ёзган Дональд Трамп Х ижтимоий тармоғида (собиқ твиттер).
Сайтда тақдим этилган ассортиментга собиқ президентнинг қамоқхонада фотосурати туширилган футболкалар, кружкалар ва плакатлар киради.
Аввалроқ Трамп Жоржия штатидаги қамоқхонага келган эди, у ерда унга нисбатан 2020-йилги президентлик сайлови натижаларини штатда ўз фойдасига қайта кўрсатиш учун “рекет” усулларини қўллашга урингани учун тўртинчи жиноий иш кўриб чиқилмоқда. Собиқ президент ҳибсга олинганда суратга олинган.
Трамп тахминан ярим соатни ҳибсда ўтказди ва олдиндан келишилган 200 минг доллар гаров эвазига қўйиб юборилди.
