Ҳозирги кунда фильмнинг айрим жанг саҳналари Туркиянинг Газиантеп, Суриянинг Ҳалаб шаҳрида тасвирга олинмоқда.
Ушбу киноасарда ўзбек актёрлари билан бирга таниқли турк актёрлари Экрем Испир, Аҳмет Серкан, Ўзтурк Сезай ва бошқалар рол ижро этяпти.
Бадиий фильм чегарачилар ҳаёти, уларнинг чегара ортидаги машаққатли ва заҳматли фаолияти, касбига бўлган садоқати ва фидойилиги ҳақида ҳикоя қилади. Шунингдек, фильм воқеалари замирида бағрикенглик, тинчлик, қўшни давлатлар билан тинчлик ва дўстона муносабатлар каби олий тушунча ва қадриятлар сингдирилган.
Маълум бўлишича, картина устида иш олиб бораётган дастлабки ижодий гуруҳ таркиби эълон қилинди: сценарий муаллифи ва постановкачи режиссёр Ҳилол Насимов, постановкачи оператор Умид Маликов, постановкачи рассом Исобек Эгамбердиев, овоз оператори Абдуқаҳҳор Каримов, иккинчи режиссёр Жамолиддин Қўзибоев, картина директори Шоҳрух Насимов, либослар бўйича рассом Нигора Пўлатова.
Эслатиб ўтамиз, бундан аввал “Тутқунлик” бадиий фильми намойиш этилгани ва Мирзо Улуғбек ҳақидаги ҳужжатли фильмининг премьераси бўлиб ўтгани ҳақида хабар берилган эди.
Чўлпоной Аҳмедова