Туркияда 30 та машина аварияга учради
Ҳодисага туман ва муз сабаб бўлган.
Туркиянинг Ван шаҳрида 30 та автомобиль иштирокида йўл-транспорт ҳодисаси содир бўлди. Бу ҳақида “TRT Haber” телеканали хабар берди.
Фожиа эрталаб Ван-Эрсиш трассасида содир бўлган. Автоҳалокатга қалин туман ва муз сабаб бўлган.
Тўқнашув оқибатида 50 дан ортиқ киши тан жароҳати олган, бир киши эса вафот этган. Жабрланганлар шифохоналарга етказилган: улардан тўрт нафарининг аҳволи оғир.
Аввалроқ, 7 декабрь куни Туркия шарқида 23 та автомобиль иштирокида ЙТҲ содир бўлган эди. Ўшанда 30 дан ортиқ одам жароҳатланган
