Туркманистон ва Ўзбекистон газ етказиб бериш бўйича янги шартнома тузади
Ўзбекистон Энергетика вазири бошчилигидаги делегация Ашхободга ташриф буюрди.
Ўзбекистон ва Туркманистон туркман газини етказиб бериш бўйича янги шартнома тузади. Бу ҳақда Ўзбекистон энергетика вазири Жўрабек Мирзамахмудовнинг Ашхободга ташрифи чоғида келишувга эришилди.
Ўзбекистон Энергетика вазири бошчилигидаги делегация 24 август куни Туркманистон Вазирлар Маҳкамаси Раисининг қурилиш-саноат комплексига масъул ўринбосари билан учрашди.
Учрашувда ёқилғи-энергетика соҳасида ўзаро ҳамкорлик муҳим ўрин тутадиган Туркманистон-Ўзбекистон ҳамкорлигини кенгайтириш масалалари кўриб чиқилди.
Томонлар Туркманистон энергетика ресурсларини хорижий давлатларга, биринчи навбатда, қўшни давлатларга етказиб беришнинг кўп қиррали тизимини яратишни фаоллаштириш масалаларига эътибор қаратди.
Учрашув якунлари бўйича Туркманистон табиий газини Ўзбекистонга етказиб бериш бўйича янги шартнома тузишга келишиб олинди.
