Энтони Блинкеннинг сўзларига кўра, Вашингтоннинг ҳозирги мақсади – Украина ва АҚШнинг келгуси маъмуриятини 2025 йилда Кремл билан эҳтимолий тинчлик музокаралари бошланишидан олдин имкон қадар қулайроқ позицияга олиб бориш.
"Бу эса Украина жанг майдонида ўз позициясини мустаҳкамлашга ҳаракат қилиши, пул, ўқ-дорилар ва мобилизация салоҳиятига эга бўлиши кераклигини англатади", – деб тушунтирди Давлат департаменти раҳбари.
Блинкеннинг сўзларига кўра, айнан украиналиклар курашни давом эттириш ёки музокаралар ўтказиш ю, шунингдек, ўт очишни тўхтатишга ҳаракат қилиш ҳақидаги асосий қарорни қабул қилишлари керак.
"Энг асосий савол шундаки, Россия бундай адолатли ёндашувга тайёр ёки йўқлигида. Россия армиясининг жанг майдонидаги йўқотишлари жуда катта, аммо Путин ҳанузгача ёш йигитларни “ўзи ишлаб чиқарган гўшт қиймалагичга” ташлашда давом этмоқда", — дея қўшимча қилди давлат котиби.